Woh Main Hoon.......
0 penit-clap
0

Tu saans le jab jab, sun sakta hoon mai,

Naam mera inke faaaslon mein.

Kuch dhundhala dhundhala, kuch bevajah sa,

Tu yuhi jhalke, meri aadaton me.


Tera hi to saaya hoon, tujhme samaaya hoon

Tujh hi me to ji raha mai bas,

Tujhko hi sun ne aaya hoon..


Tu baahein khole jab jab, aasmaa ko takne,

To boond bankar tere hothon par jo tapke,

Baarishein vo mai hoon.


Tu khwaab dekhe jab jab, aankhon ko miche,

To aansu vo khushiyon ke, jo teri palkon ko siche,

Vo khwaahishein bhi mai hoon.


Dhadkano ki sargam me, goonje jo dhalkar.

Baaahon ke gheron me, bhar le tu kas kar.

Khili dhoop, dhali shaam, ye aaraam.

Chala aau tab tab , pukare tu jo has kar.


Jo raaton ko jagae, jo subah gungunae

Jo aankhon se baat kare or hothon se sharmae...

Vo jism tera odhe huye, rooh me mai hoon.


Ye jaan le vo koi or nahi, mai hi hoon,

Bas mai hoon, haan mai hi hoon......

penit.ink 0 0 penit-clap
Please login to comment.
1 Comment

  • behtreen..

You May Also like...